2021 жылдың 20 желтоқсанында Салық кодексіне енгізілген толықтыруларға сәйкес салық төлеушінің паспорты деген түсінік пайда болды. Салық төлеушінің паспорты – кәсіпкерлердің салықтық құпия болып табылмайтын және салық органы қалыптастыратын штрих-кодта қамтылатын ақпараттық картасы.
Салық төлеушінің паспорты 2022 жылдың 1 наурызынан қоғамдық тамақтандыру және сауда салаларында қызмет ететін кәсіпкерлер үшін енгізіледі. Олар тікелей бақылау-касса машиналары тұрған және халыққа хабар беру үшін жалпыға бірдей қолжетімді орындарда орналастыру қажет.
Паспорт налогоплательщика: что это такое и где получить
Салық төлеушінің паспортында мынадай мәліметтер қамтылады:
- сәйкестендіру нөмірі;
- дара кәсіпкердің, заңды тұлғаның атауы;
- дара кәсіпкердің, заңды тұлға басшысының тегі, аты, әкесінің аты;
- салық төлеушінің мәртебесі – әрекет ететін, әрекет етпейтін, салықтық есептілікті ұсынуды тоқтатқан;
- тiркеу есебiне қойылған күн, тiркеу есебiнен шығарылған күн;
- бақылау-касса машинасының салық органындағы тіркеу нөмірі, бақылау-касса машинасын пайдалану орны;
- алкоголь өнімін сақтауға және бөлшек саудада өткізуге арналған лицензияның болуы немесе болмауы.
Салық төлеуші паспортының мәліметтерін салық органы айына бір рет есепті айдан кейiнгi екінші айдың 15-інен кешiктiрілмейтін мерзімде қалыптастырады.
Паспорттар Қаржы министрлігі Мемлекеттік кірістер комитетінің ресми интернет-ресурсында жарияланады.
Сонымен, паспорт деген ол салық органдары қалыптастыратын QR-коды.
Кодты алу үшін:
- Мемлекеттік кірістер комитетінің порталына (kgd.gov.kz) кіріп, «Ақпараттық қорлар» айдарына өтіп, «QR-кодын қалыптастыру» қызметін таңдайсыз.
- Ашылған парақшада қызмет көрсету тілін таңдап, «QR-кодын алу» батырмасын басасыз.
- Сосын телефон номерін енгізіп, «Кодты жолдау» батырмасын басасыз.
Сауда және қоғамдық тамақтандыру салаларындағы кәсіпкерлер QR-кодтарын және олардың жаңартылған нұсқаларын уақытылы ай сайын жүктеп алып, тікелей бақылау-касса машиналары тұрған және тұтынушыларға көрінетін жерлерге орналастыру қажет.
Мақала пайдалы болды деп үміт етемін. Онда пікір қалдырыңыз, мақаланы бағалаңыз және әлеуметтік желілерде достарыңызбен бөлісіңіз.
